Estudante Timor Oan Ida Hatudu Nia Kreativade Pintura Iha Indonezia
Hafoin Yudisium estudante Domingos Lopez Guteres (Savio) nebe estuda ba departementu Jornalismo husi Distrito Baucau hatudu nia creativu pinta nian ba Dosente sira iha Unitomo, Savio pinta Xefe Da Turma Departementu Comunikasaun (Drs. Sanhari Prawiradiredjo, M.Si) nia retratu.
Pintor Timor oan ho naran alias Savio n'ee hato nia sujestaun ba Jornalista katak, hau husu ba ita nia Governo atu tau matan mai ita estudante sira nebe oras ne dadaun mai estuda iha ema nia rain liu-liu estudante sira nebe iha talenta nebe atu halo morin rai Timor nia naran iha ema nia rain liu husi cretividade arte nian. (Rano da Conceicao/CJITL Malang)
Tuesday, 13 September 2011 10:22, Diposkan oleh fritasmagno
Partidu CNRT Seidauk Halo Komprimisu Atu Halo Koligasaun
Dionisi Babo hatutak katak atu halo koligasaun ho partidu políktiku sira seluk ka la halo koligasaun maibe CNRT sei hakarak lao mesak ba eleisaun.
“Tuir estatutu Partidu CNRT ne’ebé foin dadauk iha fulan April no Maio nia laran ne’e hodi desidi katak kongresu Nasional sei iha fulan Janeiru Tinan Oin, iha kongresu ne’e maka Partidu CNRT sei halo Konferénsia Nasional ida, hodi desidi Se maka sei kandidatu ba Prezidente Repúblika” Informa Dionisio Babo.
Iha Konferensia ne’e Partidu CNRT no Estrutura tomak sei desidi Se Mak sei Kandidata A’an ba Prezidente Republika iha eleisaun 2012 mai.
Nia reforsa liu tan katak objetivu husi konferénsia nasional ne’e maka atu hatutan Estrutura iha baze sira nian lian ba Estrutura Nasional sira.(Domingos da Silva/CJITL)
Friday, 09 September 2011 16:37, Diposkan oleh fritasmagno
Silviano Adolfo: Fretilin Sei Manan Maioria Iha Eleisaun 2012
“Hau espera katak Partidu Fretilin sei manan Maioria iha eleisaun 2012, tanba oras ne’e dadaun Militante Partidu Fretilin nia komesa aumeta” komenta Silviano Adolfo Marais, wainhira Partisipa iha III kongresu Fretilin iha CCD, sesta 09/9.
Nia hatutan katak Fretilin nian Kompremisio mak kria dame no estabilidade iha Nasaun ida ne’e.
Iha Distritu Bobonaro Maioria Militante Fretilin, tanba ne’e ami espera katak Fretilin sei manan Maioria iha eleisaun 2012.
Dirtitu Bobonaro iha delegadus efektivu nain 40 no Supliente nain 5, delegadu sira ne’e hetan mandate husi kongresu Distrital.
---------------------------------------------------------------------------------------------------------------------------------
Tuesday, 06 September 2011 10:19, Diposkan oleh fritasmagno
Lere: Hau La'os Fretelin
“Hau Funu ba povu nia diak, Timor Leste nia diak atu Timor Leste sai nasaun ida, la'os sai fali Atan” Lere hateten ida ne'e hafoin enkontro ho Primeiru Ministru Xanana Gusmao iha Palacio governu, Segunda-feira horseik (5/9).
Lere oras ne'e sai komandante interinu ba FFDTL hafoin Major Jeneral Taur Matan Ruak rejigna an husi nai kargu iha Sexta semana kotuk.
Lere rasik deklara an prontu ona atu kaer pasta komandante se bainhira governu fo fiar knar ne'e ba nia. (Domingos da Silva/CJITL)
Lere oras ne'e sai komandante interinu ba FFDTL hafoin Major Jeneral Taur Matan Ruak rejigna an husi nai kargu iha Sexta semana kotuk.
Lere rasik deklara an prontu ona atu kaer pasta komandante se bainhira governu fo fiar knar ne'e ba nia. (Domingos da Silva/CJITL)
---------------------------------------------------------------------------------------------------------------------------------
Tuesday, 06 September 2011 10:19, Diposkan oleh fritasmagno
Tamba Kilat Musan Legal ONU Mai TL, UNMIT Husik Hela Xanana
Xanana Gusmao bainhira lidera enkontro horseik ho Amerah Haaq, bainhira iha meja leten fo sai servisu intelenjensia polisia nian katak iha Abril ne'e UNMIT hatama kilat musan mai TL, reprezentante ONU ne'e sai no husik hela kedan enkontro ho Xanana.
Tuir Xanana katak ONU iha duni misaun inportante iha TL, maibe asuntu sira hanesan ne;e tenki iha konhecementu didiak ho governu Timor Leste.
Xanana mos hateten katak konaba asuntu siguransa iha eleisaun 2012 iha ona rumoris oin – oin maibe nia fiar katak PNTL ho FFDTL sei prontu atu atua siguransa no fo estabilidade ba povu.
To'o noticia ne'e hatun CJITL online seidauk halo konfirmasaun ho reprezentante UNMIT iha Timor Leste konaba razaun hatama kilat musan sira ne'e. (*/CJITL)
--------------------------------------------------------------------------------------------------------------------------------
Monday, 05 September 2011 21:45, Diposkan oleh fritasmagno
Fretelin Sei Gasta Osan Hira Iha Terceiro Kongresu Nasional Partido
CJITL : Oinsa Preparasaun ba III Kongresu Partidu Fretilin nian ?
JR: Ami nia Preparasaun ba konggresu ne'e buat hotu lao hela hein atu realiza deit ona iha loron 8-11.
CJITL: Iha kongresu ne'e delegadus na'in hira mak sei partisipa?
JR: Ema ne'ebe mak sei partisipa iha kongresu ne'e mak Delegadus, orgaun nasional presidente hamutuk 100, Delegadus eleitu husi estrutura sub-nasionais ne'ebe eleitu husi konfrensia distrital hamutuk 500.
CJITL: Orsamento hira mak sei aloka ba konggresu ne'e ?
JR: Orsamentu ne'ebe aloka ba III Kongresu ne'e mais ou menus besik $ 200.000.
CJITL : Orsamentu ba Kongresu ne'e mai husi ne'ebe ?
JR: Orsamentu ba Kongresu ne'e mai husi Partidu rasik e balun mai husi kontribuisaun militantes sira.
CJITL : Iha Kongresu ne'e sei konvida partidu seluk atu partisipa ga lae ?
JR: Partidu Fretilin sei konvida Partidus Politikus hotu iha Timor Laran no sei Konvida mos Partidu Politiku balun husi rai liur.(CJITL Internship)
---------------------------------------------------------------------------------------------------------------------------------
Monday, 05 September 2011 16:30, Diposkan oleh fritasmagno
Dom Basilio : Maijen Taur Matan Ruak ema KonsensualMonday, 05 September 2011 16:30, Diposkan oleh fritasmagno
BAUCAU- Bispu Diocese Baucau Dom Basilio do Nacimento, hatete se mak atu troka Maijor Jeneral (Mayjen) Taur Matan Ruak hodi kaer intitusaun F-FDTL, tenki konsensual, tamba Timor Leste nudar nasaun foun, forsas armadas importante teb-tebes.
Bispu Don Basilio hatete, Taur Matan Ruak ema ida nebe mak konsensual, katak ema ida nebe simples no hakraik Aan no mos hatene hare sasan, ninia pretizu makas hanesan komandante luta nian durante tinan 24 iha ailaran too funu hotu.
“ Hau hanesan ema sidadaun, hau nia prekupasaun mak ne’e, seinor Taur Matan Ruak husik forsa Armadas hodi kandidata aan ba Prezidente da Republika, se mak ba troka fali nia fatin? tamba ita mos labele haluha katak forsas armadas ohin loron importante teb-tebes iha rai ida ne’e, “ dehan Dom Basilio ba jornalista Sesta (2/9), iha rejidensia Deoseze Baucau.
Bispu Diocese Baucau ne’e esplika tan katak, Maijor Jeneral ema ida nebe iha kapasidade, iha historiku maibe, nia rasik seidauk informa ba iha publiku katak nia hakarak kandidata a’an, se seinor maior Jeneral hakrak kanditata Aan, nia iha direitu tomak atu halo ida ne’e.
“ hau hanoin taur matan ruak ho Xanana naran boot no importante mos hanesan nebe hau hanoin Taur Matan Ruak mak ba karik, povu hili karik nia bele mos hola papel diak ida,” Dom Basilo hatutan.
---------------------------------------------------------------------------------------------------------------------------------
Monday, 05 September 2011 16:30, Diposkan oleh fritasmagno
Se Mak Halo Korupsaun, Responde Iha Tribunal
DILI-Presidenti bankada PSD iha Parlamentu Nasional (PN), deputadu Vidal de Jesus, hateten, se deit mak halo korupsaun, dalan mak ne’e, nia tenki ba responde iha tribunal.
Deputadu ne’e hateten, relasiona ho kazu Ministra Justisa Lucia Lobato. Tuir nia hanoin sei iha korupsaun tenki ba hatan. Ne’e bele se-se deit, mesmu partidu mos la gosta buat ida korupsaun.
“ Hau hanesan membru PSD ida, I hau mak presidenti Bancada PSD iha Parlamentu, ami nia estatutu partidu mos la gosta buat ida korupsaun,” hateten deputadu Vidal ba STL iha uma fukun PN, Segunda (5/9).
Deputadu husi bancada PSD, Mario Viegas Carrascalao hateten, ida ne’e hanesan voatus deit karik, konserteja hare prosesu nebe’e lao durante ne’e, Ministeriu sira nebe’e atu ba julgamentu ne’e mos tenki husu levantamentu imunidade husi Parlamentu, bele suspensaun sira nia imunidade, to’o ohin loron seidauk tama iha ne’e, pedidu suspensaun konaba imunidade ba Ministra Justisa nian.
--------------------------------------------------------------------------------------------------------------------------------
Monday, 05 September 2011 16:30, Diposkan oleh fritasmagno
Eventu Drag Race Rezulta Ema 9 Kanek, PN Husu KO Ho Polisia Responsabiliza
DILI- Deputadu sira iha Uma Fukun Parlamentu Nasional (PN), Segunda (5/9), iha sesaun plenaria husu ba Komisaun Organizadora (KO) ho Polisia atu responsabiliza ba asidente nebe mosu iha eventu Drag Race tanba halo eventu nee la sukat nia konsikuensia.
Preukupasaun sira nee Depotadu sira foti iha Plenaria, relasaun ho eventu Drag Race nebe realize hodi komemora loron FALINTIL (Forsa Armada Libertasaun Nasional Timor Leste), iha Sabadu semana kotuk nebe rezulta ema nain 9 kanek kman.
Depotadu Bankada Fretilin Inacio Moreira hatete, horikalan nia rona informasaun ida katak, eventu ida nebee kreativu no diak, maibe hamosu fali asidente boot nebe hamate ema.
“Kurida de Carro iha Polisia nia resintu iha Estrada, hau la kestiona maibe hau fo apoiu makas ba aktividade ida nee so que, antes atu halao aktividade sira nee, premeiru tenki tetu buat hotu, labele halo tun sae, la sukat nia siguransa nee lao oinsa,” kestiona Depotadu Inacio iha nia intervensaun ba Plenaria, iha Uma Fukun Par lementu Nasional (PN), Segunda (5/09).
Lia fuan hanesan hatoo husi Depotada Bankada PD Geltrudis Moniz katak, ida nee labele akontese tan, tanba Polisia kuandu atu fo autorizasaun ba eventu sira hanesan nee, tenki tetu mos ninia konsikuensia.
“Ita labele halo tuir Nasaun seluk, ema Nasaun seluk halo buat sira nee iha fatin ida Khusus, no fora de sidade maka ema halo buat sira nee,” tenik Nia.
---------------------------------------------------------------------------------------------------------------------------------
Saturday, 03 September 2011 09:00, Diposkan oleh fritasmagno
Taur Rezigna Aan, Governu Aseita
DILI– Isu rezignasaun Komandante Jeral F-FDTL, Major Jeneral Taur Matan Ruak husi ninia kargu, sai ona realidade. Iha Kinta (01/09), Maijen Taur hatoo ninia karta rezignasaun ba Primeiru Ministru, Kay Rala Xanana Gusmão, iha Palacio Governo.
Maijen Taur fo razaun katak, nia hakarak rezigna aan tamba tempu ba bebeik ona, hodi entrega fali kargu nee ba jerasaun foun.
“Hau ohin aproveita tempu, hatoo mos hau nia rezignasaun ba Sekretariu Estadu Defeza (SED), Julio Tomas Pinto, no mos karta rezignasaun ba iha Prezidente Republika (PR), Jose Ramos Horta no Primeiru Ministru (PM), kay Rala Xanana Gusmão, tamba momentu ona hau hakarak fila fali ba vida civil,” hateten Taur ba jornalista bainhira halo inkontru ho SED, Julio Tomas Pinto iha Palacio Governo, Sesta (02/09).
Iha karta rezignasaun nee, Taur esplika, kona ba nia luta durante tinan 24 iha ai-laran hodi liberta nasaun too indepedensia. Hafoin forma instituisaun F-FDTL durante tinan 10 resin, iha progresu barak mak avansa ona iha instituisaun laran hodi servi povu liu husi situasaun nebee akontese iha tinan hirak kotuk, hanesan mosu krizi, F-FDTL bele atua. Durante ninia komandu, F-FDTL rezolve mos formasaun ba rekursu humanu, hanesan haruka ona unidade F-FDTL ba Nasoens Unidas nebee perkore ona nasaun rua nulu resin no agora planea tan atu haruka ba Nasaun Sudaun.
Nia hatutan, konaba rekur sus humanus nebee investe ona ba iha instituisaun F-FDTL, servisu hamutuk entre Falintil sira iha ailaran too vila hodi lidera instituisaun defeza, husi progresu nebee iha, Maijen Taur servisu hamutuk ho membru tomak instituisaun F-FDTL nian durante tinan 36, hodi fo konfiansa ba membru sira nebee iha kapasidade atu lidera F-FDTL.
“Hau servisu iha instituisaun F-FDTL durante tinan 36, hau iha konfiansa ba sira iha sem porsentu, tamba hau konhese ona sira nia servisu hanesan mos hau,” nia haktuir.
Purtantu, Taur hanoin, ida nee hatudu katak iha progresu barak mak susesu ona sai diak liu, tamba nee tempu ona nia atu rezigna aan para servi povu sira nebee mak terus iha funu no povu nebee sei kiak, tuir nia mehi.
Oras nee, Maijen Taur Matan Ruak sei hein hela resposta husi Prezidente Republika no Primeiru Ministru. Informasaun nebee espalha iha sosiedade nia leet katak rezignasaun Maijen Taur Matan Ruak nee, relasiona ho intensaun atu kandidata aan ba Prezidente Republika iha eleisaun presidensial tinan 2012.
Maski nunee, Taur Matan Ruak dehan, atu kandidata aan iha tinan 2012, ida nee seidauk klaru, hein deit iha 2012 maka bele koalia, tuir posibilidade bele kandidata ba prezidente, sei fo sai iha publiku.
Entretantu iha parte seluk, Segundu Komandante F-FDTL, Brigadeiru Jeral (Brijen), Lere Anan Timor, hateten, kuandu Maijen Taur Matan Ruak rezigna aan, nia maka sei asumi responsabilidade iha instituisaun F-FDTL. Lere fo sai liafuan hirak nee iha Uaimori, bainhira halo treinamentu guerilla ba membru F-FDTL, tempu hirak liu ba.
Tuir Lere, atu asumi responsabilidade ida nee laos nia mesak, maibe iha maluk barak maka sei apoiu nia atu bele lori instituisaun F-FDTL lao ba oin nafatin.
Governu Aseita
Governu Aliansa Maioria Parlamentar (AMP) aseita ona pedidu husi Maijor Jeneral Taur Matan Ruak (TMR) atu rezigna aan husi komandante forsa armada Timor Leste ho razaun pesoal no instituisaun.
Karta regignasaun Taur Matan Ruak hatoo ba Primeiru Ministru no Ministru Defeza Seguransa ho razaun pesoal no institusional hodi resigna an husi kargu Chefe Estado Maior General das Forcas Armadas (CEMGFA). Tuir karta rezignasaun nee katak dezenvolvimentu institusional, hierarquia komando, formasaun ba oficiais foun iha instituisaun hodi prepara ba futuru instituisaun no estabilidade nasional.
Tuir Sekretariu Estadu Defeza (SED), Julio Tomas Pinto katak laiha razaun seluk husi karta rezignasaun nee, tanba nee Konseillu Ministru aprova hodi aseita kontiudu surat Major Jeneral Taur Matan Ruak nian, atu ses aan husi militar hodi halao vida sivil hanesan ema bain bain. Maibe tuir Konstituisaun artigu 86, katak Julio, rezignasaun komandante forsa armada kabe ba kompetensia Prezidente Republika hodi deside simu ou la simu pedidu Maijen Taur atu sai husi Komandu F-FDTL, no se prezidente simu, maka prezidente mos iha kompetensia atu nomeia ema ruma hodi troka fali jeneral nebee rezigna aan ona.
CNRT Sei Lori Taur ba Prezidente
Tuir fontes iha Partidu CNRT katak, Partidu nee sei kandidata Taur Matan Ruak ba Prezidente Republika hodi kompete ho kandidata seluk iha eleisaun prezidensial tinan 2012.
Fontes CNRT nee fiar katak, figura Taur Matan Ruak iha potensia atu manan iha elisaun prezidensial, tanba figura nee iha esperiensia xefia forsa armada, iha tempu ukun aan, no iha tempu guerrilla. Figura Taur iha daya tarik ba povu, tanba ema nee iha kredibilidade, kapasidade lideransa no disiplina.
---------------------------------------------------------------------------------------------------------------------------------
Saturday, 03 September 2011 09:11, Diposkan oleh fritasmagno
Xanana Vizita Projetu Kurida Kuda
BATUGADE-Primeiru Ministru (PM), Kay Rala Xanana Gusmão, Kuarta (31/8) hamutuk ho Ministru Turismu, Comersiu no Industria (MTCI), Gil Alves no Ministru Ekonomia Dezen volvementu, João Conçalves vizita projetu kampu kurida kuda nia iha Batugade, Distritu Bobonaro.
Vise Prezidente Kurida Cavalo TL, Helder Internasa ba jornalista sira iha Batugade, Kuarta (31/8), hateten, projetu konstrusaun ba kampu ida nee inisitiva husi kompania nee rasik, tanba nia haree katak, iha area Batugade tenke kria duni kondisaun ida diak, atu nunee bele dezenvolve diak liu tan ekonomia komunidade nian iha fronteira.
“Ami halo pedidu hodi aprezenta projetu ida ba governu, i Primeiru Ministru ho Ministru Turismu, Comersiu no Industria, fo subsidiu ba ami hodi hadia konstrusaun kampu ida nee,” hateten Helder.
Nia garante, iha fim de Outubro 2011, projetu ida nee sei remata. Tanba ba oin, iha fim de Outubro sei halo abertura ba kampu ida nee hamutuk ho kurida cavalo. Distritu hot-hotu atu partisipa tradisional ninian, klase sira seluk konvida Indonesia (Atambua no Kefa), atu hodi harame liu tan loron 28 Novembru.
“Ami mos sei hao hotel, iha area ida nee, tanba ema estranjeiru sira liu husi nee laiha kondisaun, needuni ami hanoin ona atu halo buat hirak nee,” nia informa.
Husi asosiasaun ida nee ninia kuda besik 50, maibe ema balun mos seidauk halo rejistu ba sira nia kuda, husi asosiasaun ida nee, rejistu ona maka husi Batugade, Suai, balun iha Dili, Lospalos, no mos balun iha Ermera.
Ba distritu seluk haruka ona karta kona ba eventu ida nee, maibe asosisasaun nia hakarak sira atu sai mos membru asosiasaun depois sira bele benefisia no vantajen sira governu nia kona ba hahan no kona ba kruzamentu.
PR Horta mos hakarak atu konvida ema sira husi Australia mai, atu halo kuda haksoit aas iha nee, maibe TL laiha kuda ida boot, needuni TL aproveita ho Australia sira mai atu bele mos treinu kuda sira iha TL. Bainhira projetu ida nee hahuu, asosiasaun mos hetan ona tulun husi Sekretariu Estadu Juventude no Desportu (SEDJ) hamutuk orsamentu 90 mil hodi hadia konstrusaun ida nee.
---------------------------------------------------------------------------------------------------------------------------------
Thursday, 01 September 2011 07:36,Diposkan oleh fritasmagno
>> Membru Estudantes Fakuldades Siensia Politikas UNTL la konkorda atu Timor-Leste sai Membru ASEAN.
---------------------------------------------------------------------------------------------------------------------------------
Thursday, 01 September 2011 07:36,Diposkan oleh fritasmagno
>>STAE Nasional Sei Fahe Kareta 13 Ba STAE Distritais
Sekretariadu Tekniku de Administrasaun Eleitoral-STAE sei entrega kareta ba STAE distritu 13, atu nune’e bele hakman STAE nia servisu iha baze.
Kareta ne’ebe mak STAE sosa hamutuk 14, sosa lori orsamentu estadu 2011, kareta ne’e sei uza hodi halo aktividade STAE nian, liliu ba eleisaun jeral 2012 mai.
Tuir konvite ne’ebe mak CJITL hetan katak seremonia fahe kareta ne’e sei halao Sexta 02 Setembru iha STAE Nasional Dili.
---------------------------------------------------------------------------------------------------------------------------------
Thursday, 01 September 2011 07:36, Diposkan oleh fritasmagno
>>CNRT Sei Ukun Iha 2012
“CNRT sei manan iha 2012, tanba ne’e Partidu CNRT sei la halo koligasaun ho Partidu Fretilin” dehan Xanana ba militants no simpatizantes sira iha Oecusse.
Nia hatutan katak nudar Prezidente Partidu CNRT hatene katak iha 2012 ita sei sapu rata.
“Maske agora lider partidu Fretilin balun hahu kolia atu servisu hamutuk ho CNRT, maibe CNRt sei la kohi halo koligasaun tanba CNRT nia abut metin ona, eleisaun 2012 sei manan maioria” komenta Xanana.
Xanana informa katak CNRT mosu atu rezolve povu nia ejijensia hanesan problema Estrada, uma, ahi la iha, bee la iha, eskola dook, klinika la iha no seluk tan.
Hafoin ne’e Xanana mos fo posse ba Lideransa Partidu CNRT 289 ne’ebe servisu makaas estrutura partidu nian.Nia mos husu ba militante sira atu servisu makaas hodi bele alkansa Vitoria iha eleisaun 2012.
---------------------------------------------------------------------------------------------------------------------------------